Groot skok vir WP in Div se oefengroep
2010-10-18 10:00
Kaapstad - Die weglating van die Westelike Provinsie se flank Francois Louw is die grootste skok in die voorlopige Springbok-oefengroep wat Saterdag aangekondig is.
Louw het vroeër vanjaar in die Springbok-trui uitgeblink, maar is ná twee nederlae teen die All Blacks in Nieu-Seeland gepos, veral nadat hy in die eerste toets in Auckland gesukkel het om die mas op te kom.
Ondanks Louw se onverwagse weglating, is dit duidelik dat die Bok-afrigtingspan nie die noodlot op die November-toer na Brittanje en Ierland gaan tart nie.
Met die uitsondering van die oorsese Bokke en ’n paar beseerdes, is Suid-Afrika se top-sterre vir die oefenkamp gekies.
Hiervan kan afgelei word dat Suid-Afrika beplan om Ierland op 6 November met sy sterkste beskikbare span te pak.
Victor Matfield behoort die Bokke aan te voer.
Die groep sal ’n oefenkamp van twee dae van Vrydag in Johannesburg bywoon.
’n Finale Bok-toergroep word eers op 30 Oktober gekies.
Die oefengroep is:
Gio Aplon (WP), Bjorn Basson (Griekwas), Juan de Jongh, Jean de Villiers, Bryan Habana (almal WP), Francois Hougaard (Blou Bulle), Adrian Jacobs (Haaie), Elton Jantjies (Leeus), Ricky Januarie (WP), Zane Kirchner (Blou Bulle), Patrick Lambie, Lwazi Mvovo (Haaie), Wynand Olivier (Blou Bulle), JP Pietersen (Haaie), Morné Steyn (Blou Bulle). Willem Alberts (Haaie), Bakkies Botha (Blou Bulle), Schalk Burger (WP), Bismarck du Plessis, Jannie du Plessis (albei Haaie), Dean Greyling (Bulle), Alistair Hargreaves (Haaie), Ashley Johnson (Vrystaat), Ryan Kankowski (Haaie), Werner Kruger, Victor Matfield (albei Blou Bulle), Gerhard Mostert, Tendai Mtawarira (albei Haaie), Coenie Oosthuizen (Vrystaat), Dewald Potgieter, Chiliboy Ralepelle, Danie Rossouw (almal Blou Bulle), Juan Smith, Adriaan Strauss (albei Vrystaat), Pierre Spies, Deon Stegmann (albei Blou Bulle), CJ van der Linde (Vrystaat), Flip van der Merwe (Blou Bulle), Duane Vermeulen (WP).