Groom in nr.9-trui teen Cheetahs
2012-09-05 15:30
Kaapstad – Die afrigter van die WP, Allister Coetzee, het drie veranderings gemaak aan die span wat Saterdag in die Curriebeker-wedstryd teen die Cheetahs in Bloemfontein uitdraf.
Nic Groom vervang Dewaldt Duvenage, wat sy been in die kragmeting met die Bulle gebreek het, op skrumskakel terwyl Damian de Allende in die plek van Ederies Arendse (skouerbesering) op vleuel uitdraf.
Die Streeptruie se rotasie-beleid beteken dat Frans Malherbe, wat na die bank skuif, plek maak vir Brok Harris op vaskopstut.
Afskoptyd is 19:10.
So lyk die span:
15 Gio Aplon, 14 Gerhard van den Heever, 13 JP du Plessis, 12 Marcel Brache, 11 Damian de Allende**, 10 Demetri Catrakilis, 9 Nic Groom, 8 Jebb Sinclair, 7 Rynhardt Elstadt, 6 Deon Fourie (kaptein), 5 De Kock Steenkamp, 4 Don Armand, 3 Brok Harris, 2 Siyabonga Ntubeni, 1 Deon Carstens
Plaasvervangers: 16 Steven Kitshoff, 17 Frans Malherbe, 18 Wilhelm van der Sluys, 19 Helmut Lehmann, 20 Louis Schreuder
21 Patrick Howard*, 22 Kurt Coleman
Vir die jongste sportnuus volg Nuus24Sport op Twitter.
– Sport24
