Glas half vol vir Blitsbokke
2011-12-03 19:18
Johannesburg – Suid-Afrika het sy derde plek op die Wêreld-sewesreeks se punteleer behou, ten spyte van sy nederlaag teen Australië in die eindstryd van dié toernooi se Doebai-been.
Die Blitsbokke was onoorwonne op die eerste dag van die toernooi, maar het Saterdagoggend met 19-5 teen Frankryk die onderspit gedelf.
Die halfeindronde het vir hulle beter geluk gebring, met 'n sege van 22-7 oor Wallis.
Die Suid-Afrikaners het hul eindstryd teen Australië goed begin, en was teen halftyd 14-5 voor, maar moes op die ou end met 'n teleurstellende nederlaag van 17-14 tevrede wees.
Suid-Afrika, met 29 punte, is tans in die derde plek op die punteleer. Die Blitsbokke deel die derde plek met Frankryk en Nieu-Seeland. Engeland is in die tweede plek, en Fiji loop steeds voor.
– Volg nuus24 op Twitter.
- SAPA