George-sewes skop af

2012-12-14 15:56

Kaapstad – Die Cheetahs het die Bulls Vrydag met 26-19 in die doodsnikke van hul openingswedstryd by die Premierliga-sewestoernooi in George geklop.

Die Vrystaatse blits Philip Burger het die wendrie gedruk en verdoel.

Twaalf plaaslike en internasionale spanne speel die naweek op Outeniquapark in die toernooi wat met prysgeld van R1 miljoen spog.

Vroeër het die Mighty Mohicans met 26-24 teen die Vikings geseëvier terwyl Kaizer Chiefs die Lions met 22-14 geklop het.

Die Sharks het die WP net-net met 24-22 geklop.

Intussen het die Skotse rugbylegende Gavin Hastings gesê hy glo sewes is die toekoms van rugby.

Hastings het gesê die feit dat sewesrugby sy debuut by die volgende Olimpiese Spele in Rio de Janeiro gaan maak, tot die sport se gewildheid bydrae.

Vir die jongste sportnuus volg Nuus24Sport op Twitter.

– Sport24