Geen stadion vir Bokke 2010-wedstryd
2009-11-17 00:59
Marcoussis, Frankryk – Amptenare van die Franse Rugby-unie hoop dat ‘n problematiese wedstryd teen die Springbokke vinnig opgelos gaan word.
Die wedstryd is geskeduleer vir die dag ná die afskop van die 2010 Sokker Wêreldbeker wat in Suid-Afrika gaan plaasvind.
Frankryk is geskeduleer om op 12 Junie 2010 teen die Springbokke in Suid-Afrika te speel, maar dit was tot dusver onmoontlik om ‘n geskikte stadion vir die wedstryd te vind.
“Ek hoop net dat ons hierdie kwessie vinnig kan oplos, aangesien dit nie duidelik is of ons vlugte en hotelle gaan vind nie as gevolg van die Sokker Wêreldbeker,” het Pierre Camou, hoof van die Franse rugby-federasie, gesê.
“Maar ek het totale vertroue in die Suid-Afrikaanse federasie.”
Die toetswedstryd van 12 Junie was oorspronklik beplan vir Kaapstad, maar dié stadion kan nie gebruik word nie, aangesien dit vir die sokker bespreek is.
Op ‘n vraag of die wedstryd dan in Frankryk gespeel sal word, het Camou geantwoord: “Dit hang van Suid-Afrika af. As ek op een of ander manier vir Suid-Afrika kan help om die probleem op te los, sal ek dit met plesier doen.”
- Sapa-AFP