Gaan Heyneke vir Matfield teruglok?
2012-01-26 10:02
Kaapstad – Die voormalige Springbok Victor Matfield kan sy rugbystewels weer aantrek, maar slegs as Heyneke Meyer Vrydag as die nuwe Springbok-afrigter aangewys word, het die Cape Times Donderdag berig.
Matfield het aan die einde van verlede jaar, ná 'n roemryke loopbaan by die Springbokke en die Bulle, afgetree, maar sê hy sal dit oorweeg om weer te speel as Meyer hom vra.
"Almal weet wat ek van Heyneke dink, maar ons moet wag tot Vrydag voor ons daaroor praat," het die voormalige slot aan die Cape Times gesê.
"Kom ons wag en kyk wat gebeur. Alles het gevolge. Om weer te speel, ek weet nie...maar kom ons kyk. Dit hang af of hy my wil hê. Ek weet regtig nie, dit is moeilik om te sê," het Matfield gesê.
Matfield (34) kan moontlik deel word van Meyer se bestuurspan as hy nie gevra word om as speler terug te keer nie.
Die Blou Bulle Maatskappy het Woensdag ná 'n vergadering met Saru, gesê alhoewel dit nie in hul beste belang is nie, hulle nie in Meyer se pad sal staan as hy die Bok-pos aanvaar nie.
Vir die jongste sportnuus volg Nuus24Sport op Twitter.
Gee jou mening. Dink jy Victor Matfield moet terugkeer as speler?
- SAPA