Frankryk-toets in SA dalk geskuif
2009-11-30 11:34
Parys – Volgende jaar se toets tussen Frankryk en Suid-Afrika, wat oorspronklik vir 12 Junie in Kaapstad geskeduleer was as deel van ‘n Franse toer, sal nie in Suid-Afrika plaasvind nie en kan na Europa geskuif word, het ‘n ingeligte bron Sondag gesê.
SARU sal nie die wedstryd op daardie tyd kan aanbied nie, aangesien die 2010 Sokker Wêreldbeker op 11 Junie afskop.
Die bron het gesê dat Wembley Stadion ‘n moontlike keuse vir die wedstryd kan wees.
Die Franse gaan die Springbokke en dan ‘n Suid-Afrikaanse A-span aanvat in wat ‘n opwarmingstoer gaan wees vir die 2011-Wêreldbeker.
Hulle sal op 17 of 18 Junie teen die Suid-Afrikaanse A-span speel voordat hulle die toer teen Argentinië in Buenos Aires afsluit die week daarna.
Les Bleus gaan in November volgende jaar op 13 November gasheer wees vir Figi in Nantes, vir Argentinië ‘n week later en ‘n week na dit vir Australië by Stade de France.
Voor die Wêreldbeker in Nieu Seeland gaan die Franse ook vir Ierland op 13 Augustus in Marseille aanvat en dan weer op 20 of 27 Augustus by Landsdowne Road.
Na ‘n nederlaag van 39-12 teen Nieu-Seeland Saterdag, sal hulle moet hard werk aan hul voorbereidings, aangesien hulle teen die Kiwi’s in Groep A sal moet speel in die Wêreldbeker.
Die twee spanne sal op 24 September mekaar op Eden Park in Auckland aanvat.
- Sapa/Nuus24