Force te sterk vir Lions

2011-03-19 23:15

Johannesburg - Die Western Force het hul eerste oorwinning in vanjaar se Super Rugby-reeks behaal toe hulle die Lions Saterdag op Coca-Colapark in Johannesburg met 27-15 geklop het.

Die besoekers het teen rustyd met 14-9 voorgeloop nadat hulle vroeg in die eerste helfte reeds met 11-0 voor was.

Maar losskakel Elton Jantjies het vier strafskoppe en 'n skepskop deur die pale gejaag om die Lions met 15-14 in die 57ste minuut te laat voorloop.

Die tuisspan se dissipline het hul in die steek gelaat met die Force se James O'Connor wat met twee strafskoppe laat in die tweede helfte, die wedstryd vir die besoekers beklink het.

Die Lions se volgende kragmeting is teen die Bulls in Pretoria terwyl die Force die Stormers in Kaapstad pak.

Puntemakers:

Lions:

Strafskoppe: Elton Jantjies (4) Skepskop: Elton Jantjies

Western Force:

Drieë: Nick Cummins, Alifeleti Mafi Doelskoppe: Cameron Shepherd Strafskoppe: James O'Connor (5)

Vir die jongste sportnuus volg Nuus24Sport op Twitter.

- Sport24

Neem deel aan die meningspeiling hieronder oor die televisie-kommentators in hierdie wedstryd.