Familie geskok ná vleuel se skielike dood

2012-11-17 11:30

Suva – Die voormalige Fidjiaanse en Toulouse-vleuel Maleli Kunavore het in die ouderdom van 29 gesterf, het die Fidjiaanse Rugbyunie Saterdag gesê.

Die oorsaak van sy dood is nie onmiddellik bekend gemaak nie, maar Kunavore het twee jaar gelede 'n hartoperasie in Frankryk ondergaan en kort daarna uitgetree.

"Dit is so hartseer om 'n mede-rugbyspeler op so 'n jong ouderdom te verloor," het Sale Sorovaki van die Fidjiaanse Rugbyunie gesê.

"Kunavore was 'n begaafde en talentvolle speler en ons gedagtes en gebedes is by sy familie, mag hy in vrede rus."

Joeli Nagiri, sy pa, het aan die Fiji Times gesê hy het Donderdag – kort voor sy dood – saam met sy voormalige spanmaats Norman Ligairi en Semisi Naevo gaan uiteet.

"Ek het hom 'n paar uur vroeër gebel en ek was geskok toe sy vrou terugbel met die hartseer nuus.

Kunavore het sy internasionale loopbaan in 2005 begin – dieselfde jaar wat hy 'n kontrak by die Franse span Toulouse geteken het.

Hy het sewe toetse vir Fidji gespeel en was deel van die span wat in 2007 die kwarteindronde by die Wêreldbeker gehaal het.

– Volg Nuus24Sport op Twitter

- AFP