Engeland pos Ford, Wells ná WB-flop
2011-12-21 22:55
Londen – Mike Ford en John Wells, voormalige assistent-afrigters van Engeland, moet die Rugby-voetbalunie (RFU) met onmiddellike effek verlaat, het die beheerliggaam Woensdag aangekondig.
Ford, die verdedigingsafrigter, en John Wells, die Engelse se voorspeler-afrigter, het 'n ooreenkoms met die RFU aangegaan nadat hulle hul poste kwyt is. Dít volg ná die span se nederlaag teen Frankryk in die kwarteindronde van die Wêreldbeker-rugbytoernooi wat in Oktober in Nieu-Seeland gehou is.
Ford en Wells beklee sedert 2006 en het Engeland in twee Wêreldbeker-toernooie afgerig.
Stephen Brown, waarnemende uitvoerende hoof van die RFU, het gesê: "John en Mike het oor baie jare goeie diens gelewer aan Engeland en rugby in die land en hul bydrae word waardeer".
Martin Johnson, Engeland-breier, en die Rose se aanvalsafrigter, Brian Smith, het reeds bedank.
– Bly op hoogte van al die jongste sportnuus deur Nuus24Sport op Twitter te volg
- Sapa - AFP