Eng verwerp Wallis se WB-versoek

2012-12-05 18:04

Kaapstad – Die Engelse rugbyunie (RFU) het 'n voorstel van sy Walliese eweknie verwerp om die 2015 Wêreldbeker-groepwedstryd tussen Engeland en Wallis in Cardiff aan te bied.

Die loting vir die 2015-toernooi het Maandag plaasgevind met Engeland, Wallis en Australië wat ingesluit is in die sogenaamde "groep van die dood."

Wat egter in Engeland se guns tel is dat die span, as gasheer van die Wêreldbeker, tuisveldvoordeel sal geniet.

Die Millenium-stadion in Cardiff mag agt wedstryde by die toernooi aanbied, maar die kragmeting tussen Wallis en Engeland sal nie een van hulle wees nie.

"Ons het 'n baie lekker tuiste van ons eie en ek dink dit is waar ons ons wedstryd sal speel," het die RFU se uitvoerende hoof, Ian Ritchie, wat dit laat blyk het dat hy die versoek vreemd vind, Woensdag tydens 'n mediaverklaring gesê.

Lees verder.

Vir die jongste sportnuus volg Nuus24Sport op Twitter.

– Keo