Eddie Jones kap "arrogante" Engeland
2012-12-10 13:19
Londen – Eddie Jones, voormalige afrigter van Australië, het Engeland van arrogansie beskuldig ná die span se onlangse sege van 38-21 oor die All Blacks op Twickenham.
Die Australiër het die Engelse senter Manu Tuilagi gekritiseer vir die manier waarop hy oor die doellyn gedrentel het vir sy drie eerder as om so na as moontlik aan die doelpale vir 'n makliker doelskop te gaan druk en sê dit is gedoen om die Wêreldkampioene te tart.
Jones, wat Japan tans afrig, meen die Rose se breier, Stuart Lancaster, moet sulke gedrag uitwis aangesien dit oneerbiedig teenoor die opposisie is en die sport kan skade aandoen.
"Daar was reeds tekens van arrogansie met hul senter wat oor die lyn stap. Dit is oneerbiedig teenoor die Wêreldkampioene," het Jones aan die
Sunday Express gesê.
"As hulle hierdie tipe goed nie beheer nie, sal hulle nie sas 'n span vorentoe beweeg nie. Jy wil nie sulke gedrag in die spel sien nie, want dis nie goed vir rugby nie," Jones bygevoeg.
Lees
verder.
–
ESPNscrum
