Drie veranderinge vir WP
2011-09-15 20:59
Kaapstad – Allister Coetzee, WP-afrigter, het drie veranderinge gemaak aan sy begin-vyftiental wat teen die Blou Bulle op Loftus sal uitdraf in hul Absa Currieber-wedstryd Saterdag.
Die Kaapse span het die Luiperds verlede week met 49-21 op Nuweland geklop.
Die Kapenaars se voorry sal bykans heeltemal anders lyk, met Brok Harris wat in Frans Malherbe se plek op vaskop gekies is, terwyl die loskopstut Steven Kitshoff in Wicus Blaauw se plek opdraf.
De Kock Steenkamp vervang Quinn Roux op slot.
“Ons berei tradisioneel goed voor vir ‘n taai Bulle-kragmeting. Ons het ‘n dinamiese pak voorspelers,” het Coetzee gesê.
“Ons gaan in met groot afwisseling onder ons flanke en bring ander dimensies van die plaasvervangerbank af, soos Siya Kolisi, wat vanjaar ‘n ongelooflike seisoen ervaar,” het hy gesê.
Die jong WP-span sal teen ‘n ervare Blou Bulle-eenheid te staan kom wat byna al hul oorblywende wedstryde móét wen.
“Meer as die helfte van die Blou Bulle-span is Springbokke en hulle het groot ervaring, maar ons gaan daarheen moet gaan en ons strepe verdien,” het Coetzee gesê.
Die span is:
Conrad Jantjes, Danie Poolman, Johann Sadie, Marcel Brache, JJ Engelbrecht, Isma-eel Dollie, Dewaldt Duvenage, Nick Koster, Tertius Daniller, Nick Fenton-Wells, De Kock Steenkamp, Hilton Lobberts, Brok Harris, Tiaan Liebenberg (Kaptein), Steven Kitshoff
Plaasvervangers: Deon Fourie, Frans Malherbe, Nizaam Carr, Siya Kolisi, Quinn Roux, Nic Groom, Berton Klaasen.
- Vir die jongste sportnuus, volg Nuus24Sport op Twitter
- SAPA