Div en O’Brien begrawe strydbyl
2009-11-27 09:45
Dublin - Die Bok-afrigter Peter de Villiers het sy tevredenheid uitgespreek ná sy vergadering met Paddy O’Brien, die Internasionale Rugbyraad (IRR) se bestuurder van skeidsregtersake.
Dít volg na onplesierige uitlatings in die publiek tussen De Villiers en O'Brien gemaak is, maar ook ná O'Brien se faux pas om Nieu-Seeland se kant te vat as dit kom by skeidsregtersake.
Die vergadering het gefokus op skeidsregtersake in die algemeen, insluitend skrumbestuur, die rol van assistent-skeidsregters en die proses van aanhoudende terugvoer en kommunikasie tussen die Bok-span en die IRR.
"Dit was 'n baie goeie vergadering. Ons het op 'n geskikte manier ooreengekom om in die toekoms saam te werk. Ons het bespreek hoe skeidsregters tot nou ontleed is en hoe inligting tussen ons en die IRR uitgeruil is en ons het ooreengekom dat ons dié proses sal verfyn om albei partye te pas," het de Villiers gesê.
– rugby365