Dis amptelik: Heyneke volgende Bok-breier
2012-01-27 12:13
Kaapstad – Die voormalige direkteur van rugby by die Blou Bulle, Heyneke Meyer, is aangewys as die nuwe Springbok-afrigter.
Dít kom nadat gerugte verlede week die ronde gedoen het dat Peter de Villiers op ‘n tydelike basis sal aanbly as Springbok-afrigter, nadat Meyer gesukkel het om vrygestel te word van sy kontrak by die Blou Bulle.
Meyer se ondersteuningspan sal eers later aangekondig word, nadat daar met die nuwe Springbok-afrigter gekonsulteer is.
Meyer is met ‘n kontrak van vier jaar aangestel.
"Woorde kan nie sê hoe ek nou voel nie. Dis vir my 'n groot eer," het Meyer oor die aankondiging gesê.
"Ek besef dis 'n groot verantwoordelikheid, want ek weet jy dra die hoop en verwagtinge van die hele Suid-Afrika op jou skouers."
– Vir die jongste sportnuus volg Nuus24Sport op Twitter.
- Nuus24