Deon Fourie nuwe WP-kaptein
2012-08-08 15:46
Kaapstad – Nege spelers sal hul Curriebeker buigings vir die Westelike Provinsie maak wanneer die span die Haaie Saterdag op Nuweland aanvat.
Deon Fourie, wat in die nommer ses trui gaan begin, is Woensdag bevestig as die WP se kaptein vir hul Curriebeker-veldtog in 2012, het Sport24 berig.
Die agterspelers Gerhard van de Heever, JP du Plessis en Burton Francis het almal al Super-rugby vir die Stormers gespeel, maar sal Saterdag hul eerste verskynings in ‘n WP trui maak. Jebb Sinclair, Don Armand, Tyrone Holmes en Deon Carstens is die voorspelers wat al vir die Stormers gespeel het maar nog nie hul eertse WP-wedstryde gespeel het nie.
Dertien lede van WP se 22-tal was ook in die 22-tal wat teen die Sharks in hul Super-rugbyhalfeindstryd verloor het.
“Dis belangrik om ‘n goeie begin te hê in so ‘n kompetisie. Tuiswedstryde is veral bitter belangrik om te wen, “ het die Allister Coetzee, WP-afrigter, gesê.
Die WP-span is:
15. Joe Pietersen, 14. Gerhard van den Heever, 13. JP du Plessis, 12. Marcel Brache, 11. Gio Aplon, 10. Burton Francis 9. Dewaldt Duvenage, 8. Jebb Sinclair, 7. Tyrone Holmes, 6. Deon Fourie (kaptein), 5. De Kock Steenkamp, 4. Don Armand, 3. Frans Malherbe 2. Tiaan Liebenberg, 1. Deon Carstens
Plaasvervangers: 16. Siyabonga Ntubeni, 17. Brok Harris, 18. JC Kritzinger, 19. Wilhelm van der Sluys, 20. Louis Schreuder, 21. Gary van Aswegen, 22. Damian de Allende
– Sport24
– Volg Nuus24Sport op Twitter
