Contepomi uit vir stryd teen Hane
2012-11-14 13:55
Lille – Argentinië moes twee noodgedwonge veranderings maak aan die span wat Saterdag teen die Hane in Lille, Frankryk, sal uitdraf.
Die senter Felipe Contepomi en die heelagter Juan Martin Hernandez is verlede naweek in die Poemas se oorwinning oor Wallis in Cardiff beseer.
Marcelo Bosch sal saam met Gonzalo Tiesi as die Argentyne se senterpaar uitdraf.
Die enigste ander verandering is op vleuel waar Horacio Agulla vir Gonzalo Camacho, wat 'n blaaskans op die reserwebank kry, in die vytiental vervang.
Camacho was een van die driedrukkers in Argentinië se 26-12 oorwinning oor Wallis.
So lyk die span:
15. Lucas Gonzalez Amorosino, 14. Horacio Agulla, 13. Gonzalo Tiesi, 12. Marcelo Bosch, 11. Juan Imhoff, 10. Nicolas Sanchez, 9. Martin Landajo, 8. Leonardo Senatore, 7. Juan Manuel Leguizamon, 6. Juan Martin Fernandez Lobbe, 5. Julio Farias Cabello, 4. Manuel Carizza, 3. Juan Figallo, 2. Eusebio Guinazu, 1. Marcos Ayerza
Plaasvervangers: 16. Agustin Creevy, 17. Nahuel Lobo, 18. Francisco Gomez Kodela, 19. Tomas Vallejos, 20. Tomas De la Vega, 21. Tomas Cubelli, 22. Gonzalo Camacho, 23. Joaquin Tuculet
Vir die jongste sportnuus volg Nuus24Sport op Twitter.
– Sport24
