Engelse vleuel kry glas in gesig
2012-09-17 11:25
Londen – Engeland se vleuel Chris Ashton het Saterdagaand ligte beserings opgedoen toe hy deur 'n vreemdeling met 'n glas in die gesig geslaan is tydens 'n aand uit in Londen, het sy klub, Saracens, Maandag in 'n verklaring gesê.
"Mense sal uiteraard dié voorval sien en sê dat 'n Engelse speler wéér in die moeilikheid is. Net om dit duidelik te maak, Chris Ashton is nie in die moeiliheid. In teenstelling, hy het 'n herdenking saam met sy meisie gevier en het die betrokke aand uitstekende selfbeheersing gewys."
Ashton was saam met sy Saracens-spanmaats en hul vroue en meisies voordat 'n onbekende man die groep genader het en met die 25-jarige rugbyspeler begin baklei het.
"'n Rusie het ontstaan wat daartoe gelei het dat 'n vriend van die vreemdeling vir Chris Ashton met 'n glas aangeval het. Die vleuel het twee snye aan die linkerkant van sy gesig opgedoen, maar het nie steke benodig nie," het die verklaring gelui.
"Sedert hy by die klub aangekom het, het Chris homself as 'n uitstekende lid van die Saracens-familie bewys. Dit is realiteit dat bekende sportsterre deur vreemdelinge uitgelok sal word," het Edward Griffiths, uitvoerende hoof van Saracens, in die verklaring gesê.
Lees verder.
Vir die jongste sportnuus volg Nuus24Sport op Twitter.
– FoxSports
