Cheetahs skuif spoedvraat na senter
2012-09-20 08:30
Fotogalery - Leeus wen katgeveg
klik op klein foto bo om groter prentjie te sien
Bloemfontein – Die vleuel van die Cheetahs Raymond Rhule sal op buitesenter uitdraf wanneer die Vrystaters die Bulle op Loftus Versfeld in Pretoria pak.
Die jongeling, wat tans 'n goeie Curriebeker-seisoen beleef, sal Saterdag vir die eerste keer op seniorvlak in die nr. 13-trui uitdraf.
Rhule het in dié posisie vir die Vrystaat se o.21-span uitgeblink toe hy 'n driekuns in die wedstryd teen Grens in Bloemfontein behaal het.
Sy skuif beteken dat die kaptein, Robert Ebersohn, op binnesenter uitdraf terwyl Andries Strauss op die plaasvervangerbank is.
Rayno Benjamin sal die nr. 11-trui dra.
Die stut Coenie Oosthuizen is terug in die 22-tal nadat hy van 'n nekbesering herstel het en behoort na verwagting 'n verskyning in die tweede helfte te maak.
So lyk die span:
15 Hennie Daniller, 14 Nico Scheepers, 13 Raymond Rhule, 12 Robert Ebersohn (kaptein), 11 Rayno Benjamin, 10 Tewis du Bruyn, 9 Sarel Pretorius, 8 Philip van der Walt, 7 Lappies Labuschagne, 6 Heinrich Brüssow, 5 Izak van der Westhuizen, 4 Francois Uys, 3 Ross Geldenhuys, 2 Hercu Liebenberg, 1 Marcel van der Merwe.
Plaasvervangers: 16 AJ le Roux, 17 Coenie Oosthuizen, 18 Carl Wegner, 19 Hendro Scholtz, 20 Sias Ebersohn, 21 Phillip Snyman, 22 Andries Strauss.
Vir die jongste sportnuus volg Nuus24Sport op Twitter.
– Sport24
