Cheetahs nóg 'n slot kwyt

2012-10-31 11:04

Kaapstad – Die Cheetahs gaan nóg een van hul slotte aan 'n klub in Europa afstaan nadat Carl Wegner 'n kontrak met die Franse span Stade Francais gesluit het.

Wegner sluit aan by Izak van der Merwe (Edinburg), George Earle (Llanelli Scarlets) en Griekwas se Frikkie Spies as die vierde slot wat die Vrystaatse span verlaat.

Die 21-jarige Wegner, wat verlede jaar saam met Eben Etzebeth die Jong Bokkies se slotpaar was, het in vanjaar se Varsitybeker-reeks vir die Ixias uitgeblink en dit het die belangstelling van veral die Franse klubs gelok.

"Carl het toe die besluit gemaak om sy loopbaan oorsee voort te sit – ten spyte dat die Cheetahs hom 'n tweejaar-kontrak aangebied het," het die speler se agent, BC du Plessis, Woensdag aan Sport24 gesê.

Vir die jongste sportnuus volg Nuus24Sport op Twitter.

– Sport24