Cheetahs, Leeus gelykop in Bloem
2011-10-01 16:56
Bloemfontien – Ná hulle sege verlede week oor die Westelike Provinsie moes die Cheetahs Saterdag in Bloemfontein met 'n gelykop-uitslag teen die Goue Leeus tevrede wees.
Die eindtelling van dié twee spanne se Curriebeker-kragmeting was 25-25.
Die Leeus het hulle laaste punte met slegs 'n minuut oor op die telbord, aangeteken.
Adriaan Strauss, kaptein van die Cheetahs, het sy teleurstelling met sy span se vertoning in veral die tweede helfte ná die wedstryd uitgespreek.
"Ek dink ons het in die tweede helfte afgewyk van die dinge wat in die eerste helfte vir ons gewerk het," het Strauss gesê.
Puntemakers:
Cheetahs
Drie: Piet van Zyl
Doelskop: Sias Ebersohn
Strafskoppe: Johan Goosen (5), Sias Ebersohn.
Goue Leeus
Drieë: Cobus Grobbelaar, Jacobie Adriaanse, Michael Killian.
Doelskoppe: Elton Jantjies (2)
Strafskoppe: Elton Jantjies (2)
– Vir die jongste sportnuus volg Nuus24Sport op Twitter.
- Nuus24