Bulls sal 'kreatief, geduldig' moet wees – Ludeke
2012-05-31 09:45
Sydney – Die Bulls sal kreatief moet wees as hulle die Stormers dié naweek op Loftus Versfeld wil klop wanneer dié twee spanne teen mekaar te staan kom in hul Superrugby-stryd, het die Bulls-breier Frans Ludeke gesê.
Die Stormers is 'n kortkop voor die Bulls op die Suid-Afrikaanse Superrugby-punteleer, maar albei spanne het verlede naweek verloor, wat beteken dat mededinging om die topses-plekke op die algehele punteleer laat in Julie waarskynlik veel strawwer sal wees.
Die Kapenaars se afrigter, Allister Coetzee, het vier veranderinge aan sy span aangekondig wat Saterdag in Pretoria teen die Bulls sal uitdraf.
Siya Kolisi sla weer as flank uitdraf, terwyl die slot Andries Bekker vervang is deur De Kock Steenkamp. Frans Malherbe sal aan die vaskopkant sak en Deon Carstens draf uit as loskopstut.
Die Bulls, daarenteen, verwelkom die slot Juandre Kruger en buitesenter JJ Engelbrecht terug, terwyl Dewald Potgieter die 50ste keer vir die Pretorianers sal speel.
"Ons het 'n gulde geleentheid om weer terug op die wenpad te kom want ons speel tuis vir die eerste keer in ses weke," het die Bulls-afrigter Frans Ludeke gesê.
"Die Stormers is die hele seisoen al die span wat die beste vaar en ons sal kreatief en geduldig moet wees om deur hulle verdediging te dring, sonder om enigiets weg te gee, want hulle sal uit ons foute probeer munt slaan."
– Vir die jongste sportnuus volg Nuus24Sport op Twitter.
- Sapa - AFP
