Bulle se breier 'verlig' oor oorwinning

2012-10-06 12:25

Pretoria – Die Blou Bulle sou Vrydag met niks anders as 'n oorwinning tevrede gewees het in hulle Curriebeker-wedstryd teen die Westelike Provinsie op Loftus Versfeld nie, het Pine Pienaar, die Pretorianers se afrigter, ná die wedstryd gesê.

Met die Bulle wat in die laaste plek op die Curriebeker-punteleer lê voor die begin van die tweede laaste ronde van die groepfase, het hulle alles in die stryd gewerp vir 'n oorwinning van 26-13 oor die Kapenaars.

"Ons het vier oorwinnings in 'n ry nodig as ons die Curriebeker wil wen en as jy met een misluk, is jy uit," het Pienaar gesê.

"Ek is verlig oor die oorwinning en met tye het ons goeie rugby gespeel.

"Maar ons het onsself onder druk geplaas en ons dissipline het ons 'n bietjie gekos in die tweede helfte met die strafdrie wat ons afgestaan het."

Die Bulle het strafskoppe en skepskoppe verkies terwyl daar goeie geleenthede was om wyd te speel vir drieë.

"Slegs die Haaie het al drie drieë teen die WP gedruk en ons het geweet ons moes wen om steeds in aanmerking te wees om die Curriebeker te wen," het hy gesê.

– Volg Nuus24 op Twitter.

- SAPA