Bulle bo teen WP op Loftus

2012-10-05 21:02

Kaapstad – Die Bulle se Curriebeker-veldtog is weer op dreef nadat hulle Vrydag met 26-13 teen hul aartsvyande die WP op Loftus Versfeld in Pretoria geseëvier het.

In die eerste helfte het die Kapenaars veral in die lynstane gesukkel terwyl die Bulle die meeste gebiedsvoordeel én balbesit geniet het.

Die Ligbloues het rustyd met 11-3 voorgeloop en al het die Streeptruie hul spelpeil in die tweede helfte gelig, het hulle steeds gesukkel om oor die voordeellyn te kom.

Dié oorwinning beteken dat die Bulle vanaf die laaste plek op die Curriebeker-punteleer na die vierde posisie skuif.

Volgende naweek pak die Ligbloues die Leeus in Johannesburg terwyl die WP teen Vrystaat op Nuweland uitdraf.

Puntemakers:

Blou Bulle:

Drieë: Akona Ndungane Strafdoele: Louis Fouché (7)

Westelike Provinsie:

Drieë: Strafdrie Doelskoppe Demetri Catrikilis Strafdoele: Demetri Catrikilis (2)

Vir die jongste sportnuus volg Nuus24Sport op Twitter.

– Nuus24