Brunel kies sy bestes vir stryd teen All Blacks
2012-11-15 17:55
Rome – Jacques Brunel, Italië se afrigter, het agt veranderings gemaak aan die span wat die naweek by Rome se Olympic-stadion teen die All Blacks te staan kom.
Die span het Tonga verlede naweek 28-23 geklop.
Italië het al 12 hul vorige kragmetings teen die All Blacks verloor, maar hoop dat hul beste beskikbare span meer van 'n uitdaging vir die Wêreldkampioene kan wees.
Tommaso Iannone, wat verlede naweek sy buiging op linkervleuel gemaak het, word vervang deur Giovambattista Venditti, terwyl Mirco Bergamasco op linkervleuel sal uitdraf vir Luke McLean, wat op die plaasvervangerbank is.
Luciano Orquera sal die pligte van losskakel oorneem by Kris Burton en Edoardo Gori vervang Tobias Botes in die posisie van skrumskakel.
Onder die voorspelers was daar ook vier veranderings.
Simone Favaro keer terug na die beginspan in die guns van Robert Barbieri op oopkantflank, terwyl Francesco Minto die plek van Joshua Furno in die tweede ry inneem.
Antonio Pavanello vervang Quintin Geldenhuys in die tweede ry, terwyl die vaskopstut Martin Castrogiovanni in die plek van Cittadini begin.
Nieu-Seeland het Skotland verlede naweek 51-22 op Murrayfield geklop, maar het radikale veranderings gemaak aan die span vir toetswedstryd in Rome.
Die span is:
Andrea Masi, Giovambattista Venditti, Tommaso Benvenuti, Alberto Sgarbi, Mirco Bergamasco, Luciano Orquera, Edoardo Gori, Sergio Parisse, Simone Favaro, Alessandro Zanni, Francesco Minto, Antonio Pavanello, Martin Castrogiovanni, Leonardo Ghiraldini, Andrea Lo Cicero.
Plaasvervangers: Davide Giazzon, Alberto De Marchi, Lorenzo Cittadini, Quintin Geldenhuys, Mauro Bergamasco, Robert Barbieri, Tobias Botes, Luke McLean
– Volg Nuus24Sport op Twitter
- AFP
