Brache op bank vir eindstryd in Haaitenk

2012-10-24 13:20

Kaapstad – Die afrigter van die Westelike Provinsie, Allister Coetzee, het sy span aangekondig wat in Saterdag se Curriebeker-eindstryd teen die Haaie op Kingspark uitdraf.

Coetzee het slegs een verandering gemaak aan die vyftiental wat die Leeus in verlede naweek se dramatiese halfeindstryd met 21-16 in Johannesburg geklop het.

Die jongeling Damian de Allende vervang Marcel Brache, wat na die reserwebank skuif, in die nr.12-trui.

Deon Fourie sal die span wat ses o.21-spelers in die 22-tal insluit, Saterdag in Durban aanvoer.

So lyk die span:

15. Gio Aplon 14. Gerhard van den Heever 13. Juan de Jongh 12. Damian de Allende 11. Bryan Habana 10. Demetri Catrakilis
9. Nic Groom 8. Duane Vermeulen 7. Don Armand 6. Deon Fourie (kaptein) 5. De Kock Steenkamp 4. Eben Etzebeth 3. Frans Malherbe 2. Scarra Ntubeni 1. Steven Kitshoff

Plaasvervangers: 16. Deon Carstens 17. Brok Harris 18. Wilhelm van der Sluys 19. Jebb Sinclair 20. Louis Schreuder 21. Marcel Brache 22. Joe Pietersen

Vir die jongste sportnuus volg Nuus24Sport op Twitter.

– Sport24