Bokkies wéér saam't Eng geloot

2012-11-09 14:53

Kaapstad – Suid-Afrika se o.20-rugbyspan sal vir die derde agtereenvolgende jaar in dieselfde groep as Engeland speel wanneer die Junior-wêreldtoernooi aanstaande jaar in Frankryk afskop.

Die twee spanne is sedert 2011 in dieselfde groep geloot.

Engeland het in 2011 met 26-20 teen Suid-Afrika se sterkste o.20-span nog, wat spelers soos Siya Kolisi, Nizaam Carr, Eben Etzebeth, Jaco Taute, Paul Jordaan, Wandile Mjekevu en Johan Goosen ingesluit het, gewen.

Vanjaar het die Jong Bokkies egter laaste gelag toe hulle 'n bonuspunt-oorwinning van 28-15 oor die Rose behaal het om eindelik die titel te wen.

In vorige toernooie het Engeland Suid-Afrika se 0.20's in die halfeindstryd in 2008 (28-16) en in 2009 met 40-21 geklop.

Die Jong Bokkies het egter in 2010 met 27-22 in die uitspeelstryd vir die derde plek, oor die Engelse geseëvier.

Saam met Suid-Afrika en Engeland in Groep A is die gasheerland Frankryk en die nuwelinge Amerika.

Groep A

Suid-Afrika

Frankryk

Engeland

Amerika

Groep B

Nieu-Seeland

Ierland

Australië

Fidji

Groep C

Wallis

Argentinië

Skotland

Samoa

Vir die jongste sportnuus volg Nuus24Sport op Twitter.