Bokke vir eers nie in Curriebeker
2010-09-07 15:32
Johannesburg – Die Suid-Afrikaanse rugbyunie (Saru) het Dinsdag bevestig dat al die gekontrakteerde Springbokke aan 'n kondisioneringprogram van vier weke sal deelneem.
Dié spelers sal dus tot 6 Oktober nie besikbaar wees om vir hul provinsiale spanne in die Curriebeker-reeks uit te draf nie.
Maar die Bokke wat nie gekontrakteer is nie, mag wel vanaf Vrydag in Curriebeker-wedstryde speel.
Die volgende spelers sal aan die kondisioneringsprogram deelneem:
Blou Bulle: Victor Matfield, Danie Rossouw, Bakkies Botha, Wynand Olivier, Morné Steyn, Fourie du Preez, Pierre Spies
Haaie: John Smit, Bismarck du Plessis, Tendai Mtawarira, JP Pietersen, Adi Jacobs
Westelike Provinsie: Schalk Burger, Jaque Fourie, Bryan Habana, Ricky Januarie, Andries Bekker
Vrystaat-Cheetahs: Juan Smith, Heinrich Brüssow, CJ van der Linde
Al die spelers sal die program onder toesig van hul provinsiale spanne en in konsultasie met die Springbok-bestuurspan volg.
Die gekontrakteerde spelers moet op 4 Oktober weer in Kaapstad vir toetse aanmeld.
Bly op hoogte van al die jongste sportnuus deur Nuus24Sport op Twitter te volg.
- Sport24