Bokke kan verder val op IRR-ranglys

2010-11-23 12:01

Edinburg - Skotland het met hul skok-oorwinning Saterdag oor die Springbokke in Edinburg, vir Ierland op die Internasionale Rugbyraad (IRR) se wêreldranglys verbygesteek.

Die Skotte is nou in die sesde plek nadat hulle voor die toets teen Suid-Afrika, nog agste was.

"Wat my so gelukkig maak as afrigter is die houding en deursettingsvermoë van die span," het Skotland se breier, Andy Robinson, aan www.scottishrugby.org gesê.

Suid-Afrika is tans in die derde plek op die IRR se ranglys nadat hulle tydens vanjaar se Drienasies-reeks van tweede plek geval het toe hulle vyf uit hul ses wedstryde verloor het.

En die Springbokke kan dalk na hierdie naweek se wedstryde nog verder val.

As Engeland die Suid-Afrikaners Saterdag wen, ongeag met hoeveel punte, en Frankryk klop die Wallabies met meer as 15 punte sal die Bokke tot die vyfde plek val.

Top 15 op die IRR-ranglys met vorige posisie tussen hakies:


1 (1) Nieu-Seeland 93.19

2 (3)  Australië 85.90

3 (2)  Suid-Afrika 85.31

4 (4) Engeland 83.61

5 (5) Frankryk 83.21

6 (8)  Skotland 81.20

7 (6)  Ierland 80.90

8 (7)  Argentinë 79.87

9 (9) Wallis 77.04

10 (10) Fidji 75.02

11 (11) Samoa 74.02

12 (12) Italië 72.35

13 (13) Japan 71.45

14 (14) Kanada 68.59

15 (15) VSA  68.50

Bly op hoogte van al die jongste sportnuus deur Nuus24Sport op Twitter te volg.

- Sport24