Bokke: Spies uit, Kankowski in
2010-11-16 14:16
Edinburg - Bok-breier Peter de Villiers het Ryan Kankowski op agsteman gekies vir die Springbokke se toets Saterdag teen Skotland op Murrayfield in Edinburg.
"Die Grand Slam-toer is 'n geleentheid vir ons om na verskillende spelers te kyk. En ons gaan meer as 15 spelers nodig hê vir aanstaande jaar se Wêreldbeker," het de Villiers gesê toe hy tydens Dinsdag se spanaankondiging oor Kankowski se insluiting in die beginspan gevra is.
Gio Aplon skuif oor na die vleuel-posisie terwyl Zane Kirchner op heelagter uitdraf.
Ruan Pienaar skuif na die plaasvervangersbank met Francois Hougaard wat die nr.9-trui oor sy kop sal trek.
De Villiers het gesê Bryan Habana het las van 'n handbesering, maar behoort betyds fiks te wees vir Saterdag se toets.
Suid-Afrika:
15 Zane Kirchner, 14 Gio Aplon, 13 Frans Steyn, 12 Jean de Villiers, 11 Bryan Habana, 10 Morne Steyn, 9 Francois Hougaard, 8 Ryan Kankowski, 7 Juan Smith, 6 Deon Stegmann, 5 Victor Matfield (kaptein), 4 Bakkies Botha, 3 Jannie du Plessis, 2 Bismarck du Plessis, 1 Beast Mtawarira
Plaasvervangers: 16 Adriaan Strauss , 17 CJ van der Linde, 18 Flip van der Merwe, 19 Willem Alberts, 20 Ruan Pienaar, 21 Lwazi Mvovo, 22 Pat Lambie
Afskoptyd Saterdag op Murrayfield is 16:30.