Blitsbokke wil staal wys op tuisveld
2012-12-05 11:35
Kaapstad – Die Blitsbokke sê hulle is oorgehaal vir die IRR se sewestoernooi in Port Elizabeth, wat Vrydag by die Nelson Mandelabaai-stadion afskop, ná 'n teleurstellende vertoning in Doebai.
Die kapteins van die 16 spanne wat deelneem, het Dinsdag die Greenacres-winkelsentrum in Port Elizabeth besoek om bewustheid van die toernooi te bevorder.
Nieu-Seeland is die algehele voorloper op die Wêreldsewesreeks se puntelys met Fidji kort op sy hakke.
Samoa het laas naweek die toernooi in Doebai gewen.
Die kaptein van Nieu-Seeland, DJ Forbes, het gesê sy span onderskat nie een van die ander spanne nie.
Frankie Horne, kaptein van die Blitsbokke, het gesê die span is deel van 'n moeilike groep en moet elke wedstryd wen.
Horner het gesê die Blitse wil inspirasie uit die ondersteuners put en 'n baie beter vertonig as verlede naweek lewer.
Suid-Afrika se sewesspan het in Doebai teen Argentinië, Portugal en Samoa verloor.
Vir die jongste sportnuus volg Nuus24Sport op Twitter.
– Sport24
