Blitsbokke val, Fidji seëvier NZ-sewes

2010-02-06 11:24

Wellington – Die Springbok-Sewes het vir ’n tweede keer teen Australië verloor nadat hulle 26-22 in die Wellington-toernooi van die Internasionale Rugbyraad (IRR)-sewesreeks geklop is.

Suid-Afrika het ’n belowende eerste helfte ervaar waartydens hulle in die eerste vyf minute 17-0 voorgeloop het.

Australië het egter kort daarna begin voordeel trek uit Suid-Afrika se swak verdediging en tekort aan spoed waartydens hulle 26 punte ingepalm het.

Die Blitsbokke het vroeër Saterdagoggend vir die vyfde keer teen Fidji in die kwarteindronde verloor met ‘n telling van 21-5.

Samoa en Fidji het mekaar in die finaal aangevat nadat hulle Nieu-Seeland en Engeland onderskeidelik geklop het.

Fidji het die Kiwi's egter met vlieënde vaandels geklop met 'n telling van 19-14.

Hulle is die amptelike wenners van die Nieu-Seelandse toernooi van die IRR-kampioenskappe.

-Sport24