Blitsbokke sukkel in Doebai

2012-12-01 10:06

Kaapstad – In die Blitsbokke se swakste vertoning in 11 jaar kon hulle nie daarin slaag om Vrydagaand die kwarteindronde van die Internasionale rugbyraad (IRR) se sewestoernooi in Doebai te haal nie.

Hoewel die span goed begin het deur Engeland in die openingswedstryd te klop, is hulle ná nederlae teen Portugal en Samoa uit die toernooi geboender.

Die Blitse het beslis hul kaptein Kyle Brown gemis, wat sy enkel in die kragmeting met Engeland gebreek het.

Die Suid-Afrikaners kon darem Saterdagoggend verlore aansien herwin toe hulle in die kwarteindronde van die Skildtoernooi met 25-12 teen Rusland gewen het.

Vir die jongste sportnuus volg Nuus24Sport op Twitter.

– RSG