Blitsbokke gereed vir Doebai

2012-11-21 14:27

Kaapstad – Suid-Afrika se sewesspan het drie veranderings vir die Wêreldsewesreeks se volgende twee toernooie in Doebai en Port Elizabeth gemaak.

Cecil Afrika, wat steeds nie ten volle van sy kniebesering herstel het nie, word deur die belowende skrumskakel van die Cheetahs Kevin Luiters vervang.

Philip Snyman is in die plek van Ruwellyn Isbell gekies terwyl Reuben Johannes moet plek maak vir Warren Whiteley.

Robert Ebersohn (Cheetahs) is weens 'n dyspierbesering nie vir die groep oorweeg nie.

Die Doebai-toernooi word vanaf 30 November tot 1 Desember gespeel met die Port Elizabeth-toernooi wat op 8 Desember afskop.

Die span vertrek Sondagaand vanaf Kaapstad na Doebai.

So lyk die groep:

1. Chris Dry

2. Philip Snyman

3. Frankie Horne

4. Warren Whiteley (Goue Leeus)

5. Cornal Hendricks

6. Kyle Brown - kaptein

7. Branco du Preez

8. Stephan Dippenaar

9. Paul Delport

10. Kevin Luiters (Cheetahs)

11. Tshotsho Mbovane

12. Steven Hunt

Vir die jongste sportnuus volg Nuus24Sport op Twitter.

– Sport24