Blitsbokke begin goed in Las Vegas

2013-02-09 08:39

Kaapstad – Die Springbok-sewesspan het Saterdag sy veldtog by die Amerikaanse toernooi van die Wêreld­sewesreeks in Las Vegas goed begin nadat hulle Uruguay 45-0 geklop het, berig SuperSport.

Daarna het hulle die Kanadese 17-5 geklop om – met een wedstryd oor – 'n plek in die kwarteindronde te verseker.

Drieë deur Cornal Hendricks, Phillip Snyman, Chris Dry, Frankie Horne en Paul Delport het die Blitsbokke se oorwinning oor Uruguay verseker.

Teen Kanada was Hendricks se naam weer op die puntelys en die span was 17-0 voor, voordat 'n drie laat in die wedstryd aan Kanada toegeken is.

Warren Whiteley en Stephan Dippenaar was die ander puntemakers.

Intussen het die dag vir 'n hele paar skokke gesorg toe Engeland hul twee wedstryde teen Fidji en Portugal verloor het.

– Lees meer hier

– Volg Nuus24Sport op Twitter