Barbarians kry pak slae
2011-11-26 19:19
Londen – Australië het vir sy toets teen Wallis volgende week voorberei deur niks minder nie as agt keer agter die doellyn te gaan kuier in sy wedstryd teen die Barbarians.
Die eindtelling op Twickenham Saterdag was 60-11 in die guns van Australië.
Australië se vleuels, Lachie Turner en Digby Ioane, en die plaasvervanger-voorspeler James Horwill, het twee drieë elk gedruk.
Die vleuel Sam Tomkins het vir die Barbarians oorgeduik, en Danny Cipriani het met twee strafskoppe sukses gehad.
Australië se James O'Connor het met agt uit sy nege doelskoppe geslaag, en sodoende 20 punte agter sy naam gesit.
Dit was Victor Matfield, wat vir die Barbarians uitgedraf het, se laaste internasionale wedstryd.
– Vir die jongste sportnuus volg Nuus24 op Twitter.
- Sapa - AFP