Baljagter Brüssow bly ’n Cheetah
2009-11-04 16:16
Johannesburg - Die Springbok-baljagter Heinrich Brüssow het 'n kontrak met die Cheetahs tot aan die einde van volgende jaar geteken.
Harold Verster, president van die Vrystaatse Rugbyunie, het Woensdag dié nuus in 'n verklaring bekendgemaak.
Luidens dié verklaring is Brüssow reeds by die Cheetahs se Super14-oefengroep ingesluit vir wanneer dié kompetisie in Februarie volgende jaar afskop.
Gerugte het vroeër die ronde gedoen dat Brüssow dalk volgende jaar na die Sharks sal skuif.
– Sapa