Bakkies gekies vir 'Wêreld-droomspan"
2012-07-05 14:34
Kaapstad – Hy mag dalk al nader aan sy 33ste verjaardag in September beweeg, maar Bakkies Botha is steeds in die Augustus-uitgawe van die internasionale Rugby World-tydskrif in Londen, vir hul 'Wêreld-droomspan' gekies.
Alhoewel die uitgawe nog nie in Suid-Afrika beskikbaar is nie het die rugbyskrywer Mark Keohane, wat onlangs in Engeland was, die spelers Woensdagaand op sy Twitter-blad genoem.
Die span bestaan uit drie Springbokke, Botha, die vleuel JP Pietersen en haker Bismarck du Plessis.
Vier All Blacks is gekies en twee Wallabies het ook die span gehaal.
Hier is die tydskrif se volledige span:
15 Rob Kearney (Ierland), 14 JP Pietersen (SA), 13 Conrad Smith (NS), 12 Jamie Roberts (Wallis), 11 George North (Wallis), 10 Dan Carter (NS), 9 Will Genia (Aus), 8 Kieran Read (NS), 7 David Pocock (Aus), 6 Dan Lydiate (Wallis), 5 Richie Gray (Skotland) 4 Bakkies Botha (SA), 3 Euan Murray (Skotland), 2 Bismarck du Plessis (SA), 1 Tony Woodcock (NS).
Lees die volledige storie hier.
Vir die jongste sportnuus volg Nuus24Sport op Twitter.
– Sport24
