All Blacks sal oefen tydens Super-rugby
2012-02-16 11:03
Christchurch – Die All Blacks se nuwe breier, Steve Hansen, beplan twee oefenkampe tydens vanjaar se Super-rugbyreeks ter voorbereiding vir die Kiwi's se toetswedstryde teen Ierland in Junie.
Volgens die Keo-webtuiste sal Hansen sy span op 13 Mei tydens die 12de ronde van die Super-rugbyreeks aankondig.
Hansen het sy plan met Nieu-Seeland se Super-rugbybreiers bespreek en volgens die Blues se afrigter, Pat Lam, ondersteun almal die inisiatief.
Intussen het die All Blacks ook hul toerdatums vir November bekendgemaak.
Nieu-Seeland speel op 10 November teen Skotland, 17 November teen Italië, 24 November teen Wallis en op 1 Desember teen Engeland.
Lees verder.
Vir die jongste sportnuus volg Nuus24Sport op Twitter.
– Keo