All Black-vleuel vier wedstryde geskors

2011-12-14 11:30

Auckland – Die All Blacks en Crusaders se vleuel Zac Guildford is vir vier wedstryde geskors nadat hy aan dronkgedrag skuldig bevind is.

Hy sal dus drie opwarmingswedstryde en die eerste Super15-wedstryd volgende jaar sal misloop. Die Crusaders se eerste wedstryd is teen die Blues.

'n Tugverhoor van die Nieu-Seelandse Rugby-unie het bevind dat Guildford op 'n huweliksonthaal, 'n kroeg kaal en dronk binnegestorm en twee gaste aangerand het.

Dit is die tweede keer dat Guildford voor die rugby-unie oor dronkenskap verskyn, nadat hy ook tydens vanjaar se Wêreldbeker vir wangedrag in die openbaar aangekla is.

– RSG

– Bly op hoogte van al die jongste sportnuus deur Nuus24Sport op Twitter te volg