Ackermann prys Lions se 'ideale' begin
2013-01-20 14:30
Johannesburg – Johan Ackermann, afrigter van die Lions, het gesê die span het hul eerste doelwit behaal nadat hulle Rusland Saterdagaand in Johannesburg verniel het.
Die Lions het dié wedstryd 51-13 gewen.
"Ons het ons eerste doelwit behaal om te wen en ek is gelukkig daarmee," het Ackermann gesê.
Die Lions-uitdaagreeks kom te midde van die Johannesburgse span se relegasie van vanjaar se Superrugby-kompetisie.
Dié reeks eindig op 20 Julie waarna 'n promosie/relegasie-wedstryd vir die Super-rugbyreeks op 3 Augustus op Ellispark sal plaasvind.
Hoewel Ackermann tevrede was met die span se vertoning, dink hy daar is baie om op te verbeter. Hy het ook gesê hy wil hê die span moet so gou as moontlik die roes afskud.
Ackermann het gesê hy sal aanhou om kombinasies te toets voor hy besluit wie die gereelde spelers in die beginspan sal wees.
"Daar is geen beserings nie, wat die eerste positiewe ding is, maar omdat daar nuwe gesigte is, sal daar definitief ouens wees wat volgende week 'n kans sal kry.
"Dit was die ideale begin en ongelukkig sal daar volgende week nuwe kombinasies wees wat ons moet toets en dit sal hul eerste wedstryd wees," het die afrigter gesê.
"Teen weet drie of vier sal almal al 'n speelkans gehad het en dan kan ons verseker dat ons die beste span op die veld gaan hê."
– Volg Nuus24Sport op Twitter
- SAPA
