Spele: Kyk uit vir dié topswemmers van SA
2012-06-05 13:56
In-diepte Verslae
Te midde van aantygings van dissiplinêre probleme onder Australië se Olimpiese swemmers, het een swemmer haar spanmaats as "kinderagtig" beskryf.
Die trane van blydskap het behoorlik onder Suid-Afrikaners gevloei oor Chad le Clos se goue oomblik. Kyk hier na die video.
Johannesburg – Suid-Afrika se topswemmers sal sonder twyfel die tweede been van die Mare Nostrum-swemreeks, wat Woensdag in Canet, Frankryk begin, gebruik om voor te berei vir die Olimpiese Spele in Julie.
'n Groot Suid-Afrikaanse afvaardiging sal hoop om nog medaljes te voeg by die sewe wat hulle reeds by die afgelope naweek se byeenkoms in Barcelona gewen het.
Die swemsensasie Chad le Clos sal na verwagting ook in Canet wys of hy by die Spele medaljes sal inryg.
Le Clos sal aan die 200 m en die 400 m individuele wisselslag deelneem, sowel as aan die 200 m vryslag, en die 100 m en 200 m vlinderslag.
Dié kortafstandwêreldkampioen in die 200 m vlinderslag sal die leidende swemmer wees in sy spesialis-items, die 200 m en 400 m individuele wisselslag.
Een van die ander uitblinkers wat sy staal sal wil wys by dié byeenkoms is die 50 m borsslag-wêreldrekordhouer Cameron van der Burgh, wat in Barcelona goue medaljes verower het in die 50 m en 100 m-borsslag.
Giulio Zorzi, wat die brons medalje in die 50 m borsslag verower het, sal weer teen Van der Burgh meeding in albei items.
Karin Prinsloo, wat silwer medaljes in die 100 m en 200 m rugslag in Barcelona gewen het, sal ook poog om haar tye te verbeter, terwyl Suzaan van Biljon in aksie sal wees in die 50 m en 100 m rugslag.
Ander topswemmers van Suid-Afrika wat in Canet sal meeding sluit in Kathryn Meaklim, Leith Shankland en Charl Crous.
– Vir die jongste sportnuus volg Nuus24SPort op Twitter.
- SAPA
