Spele: Afpersbewerings skok Australië
2012-06-13 09:53
In-diepte Verslae
Te midde van aantygings van dissiplinêre probleme onder Australië se Olimpiese swemmers, het een swemmer haar spanmaats as "kinderagtig" beskryf.
Die trane van blydskap het behoorlik onder Suid-Afrikaners gevloei oor Chad le Clos se goue oomblik. Kyk hier na die video.
Sydney – Australiese gewigoptel is tot in sy fondamente geskud deur bewerings dat 'n atleet aangedring het op $5 000 (byna R42 000) voor hy aan 'n kwalifiserende toernooi vir die Olimpiese Spele deelneem.
Die hoof van die Australiese gewigoptel-vereniging, Michael Keelan, beweer Daniel Koum (26) het vir die geld gevra by verlede week se kwalifiserende Oceania gewigoptel-kampioenskappe in Samoa.
"Ons is absoluut geskok en verdwaas. Dit is net ongelooflik," het Keelan Woensdag aan AFP gesê en bygevoeg dat dit die eerste keer is in 40 jaar, wat hy by die die sport betrokke is, dat so iets met hom gebeur.
"Hy het gesê as hy nie die geld kry nie sal hy nie aan die kampioenskappe deelneem nie."
Indien enige van die Australiese mansatlete nie in Samoa deelgeneem het nie, sou dit onmoontlik wees vir die span om onder die top-vyf lande te eindig en sodoende 'n gewigopteller na die Spele in Londen te stuur.
"Die situasie wat in Samoa plaasgevind het, is dat hy (Koum) gevoel het dat hy in 'n posisie was waar hy vir geld kon vra," het Keelan aangevoer.
"En die feit is hy het vir 'n groot bedrag gevra."
Koum ontken die bewerings en het aan die Sydney Morning Herald gesê, nadat hy oor die voorval gevra is: "Ek ontken dit".
Die atleet, wat oorspronklik van Kameroen is, het wel in Samoa deelgeneem en Australië gehelp om vir die Spele te kwalifiseer.
Hy kan nietemin met sanksies gestraf word as die bewerings teen hom bewys kan word.
Koum se kanse om wel na Londen te gaan is skraal aangesien Damon Kelly, die enigste Australiese gewigopteller by die 2008 Spele, die gunsteling is om gekies te word.
Keelan, wat erken het dat hy een van verskeie afrigters en beamptes is wat saamgespan het om die "afpersgeld" te betaal, sê dit is moeilik vir die sport om atlete finansieël vir die Spele, waar dit onwaarskynlik is dat Australië 'n medalje sal wen, te ondersteun.
Maar hy het nietemin bygevoeg: "Jy kan nie dat een mens se dade ander atlete se drome verwoes nie."
Keelan het bygevoeg dat hy by sy besluit (om die geld te oorhandig) staan.
"Ek is steeds ontsteld, maar die feit is dat ons 'n vinnige besluit moes maak. Ek voel steeds dat ons die regte ding gedoen het."
Volg Nuus24Sport op Twitter.
- Sapa - AFP
