Engelse draaier uit WB weens depressie
2011-03-24 14:20
In-diepte Verslae
Die krieketbaas Gerald Majola het ontken dat hy toestemming verleen het aan Graeme Smith om nie direk ná die Wêreldbeker terug te keer na SA nie.
Graeme Smith en Jacques Kallis is van die gedugste opponente teen wie hy ooit te staan gekom het, skryf die Australiër Matthew Hayden in sy lewensboek.
Dhaka - Die draaibouler Michael Yardy het weens depressie uit die Wêreldbeker-toernooi onttrek, slegs dae voor Engeland se kwarteind-kragmeting teen Sri Lanka.
Die 30-jarige bouler van Sussex, wat in drie Wêreldbeker-wedstryde gespeel het, sê hy voel dat daar geen ander opsie vir hom is as om terug te gaan huis toe nie.
"Om in hierdie stadium van ons Wêreldbeker-veldtog te onttrek was 'n baie moeilike besluit maar ek het gevoel dat dit die enigste opsie is en ek wou eerlik wees oor die rede agter my besluit," het hy gesê.
"Ek sal dit waardeer as ek vir die volgende paar weke privaatheid gegun word terwyl ek tyd spandeer saam met my familie en nabye vriende voor wat ek hoop 'n suksesvolle seisoen by Sussex sal wees."
England en Wallis se krieketraad het gesê aansoek is by die Internasionale Krieketraad se tegniese komitee gedoen om 'n plaasvervanger vir Yardy te vind.
- Volg Nuus24Sport op Twitter.
- AFP