Allan Donald: Gemengde gevoelens oor SA
2011-03-21 11:00
In-diepte Verslae
Die krieketbaas Gerald Majola het ontken dat hy toestemming verleen het aan Graeme Smith om nie direk ná die Wêreldbeker terug te keer na SA nie.
Graeme Smith en Jacques Kallis is van die gedugste opponente teen wie hy ooit te staan gekom het, skryf die Australiër Matthew Hayden in sy lewensboek.
Allan Donald het Suid-Afrika in vier Wêreldbeker-toernooie verteenwoordig en dit gaan vir hom in die Nieu-Seelandse kleedkamer ’n baie emosionele dag wees wanneer die Black Caps die Proteas Vrydag in Mirpur in die kwarteindronde van die WB-toernooi pak.
Só het die voormalige Suid-Afrikaanse snelbouler, wat Nieu-Seeland vanjaar op die subkontinent as ’n boulkonsultant bystaan, gister gesê.
Volgens Donald het hy toe hy die Nieu-Seelandse aanstelling aanvaar het, voorsien dat hy hom een of ander tyd in Suid-Afrika kan vasloop.
“Suid-Afrika het ’n bleddie goeie span. As hy ooit ’n kans gehad het om die Wêreldbeker-toernooi te wen, dan is dit nou.”
Donald het gesê Nieu-Seeland en Suid-Afrika is albei goeie veldwerkspanne, maar dat hul boulaanvalle van mekaar verskil.
Die Internasionale Krieketraad (IKR) het intussen toestemming verleen dat die beseerde Nieu-Seelander Hamish Bennett (enkel) deur Daryl Tuffey vervang word.
Volgens Donald sal die Kiwi’s se kaptein, Daniel Vettori, ná sy kniebesering vroeër teen Pakistan reg vir die Proteas wees.
As Suid-Afrika Nieu-Seeland klop, is die wenner in die kwarteindstryd tussen Sri Lanka en Engeland sy volgende teenstander in die halfeindronde in Colombo.
Indië het met sy sege met 80 lopies gister in Chennai oor die Wes-Indiese Eilande tweede in Groep B geëindig.
Dit beteken dat hy Donderdag in Ahmedabad in sy kwarteindstryd te staan kom teen die kampioen, Australië, wat Saterdag teen Pakistan sy eerste nederlaag gely het.
Die wenner tussen Indië en Australië sal in die halfeindstryd teen die wenner tussen Pakistan en die Windies speel.
Zimbabwe het gister in Kolkata sy veldtog op ’n hoë noot afgesluit toe hy Kenia met 161 lopies geklop het.
Zimbabwe het 308/6 aangeteken en Kenia vir 147 uitgehaal.
- Sport24
- Volg Nuus24 op Twitter.