Voormalige WP-bouler vermoor

2013-01-03 16:10

Kaapstad – Suid-Afrikaanse krieket is Donderdag geruk deur die tragiese nuus dat die voormalige WP-draaibalbouler John E. Commins Woensdagaand vermoor is.

Commins het tussen 1961 en 1968 10 wedstryde vir die WP gespeel.

Hy het 27 paaltjies geneem teen ‘n gemiddeld van 27,77. Sy beste boulsyfers was 5 vir 32. Hy was 71 jaar oud.

Commins was die jonger broer van die uitvoerende hoof van WP Krieket, Kevin Commins, en die oom van die voormalige Protea John Commins wat Suid-Afrika in die 1990's verteenwoordig het.

Beresford Williams, president van die WP-krieketvereniging, het sy skok en ongeloof uitgespreek oor Commins se dood en het sy medelye met sy familie betuig.

Nadere besonderhede oor die omstandighede waarin hy dood is, is nog nie bekend gemaak nie.

– Vir die jongste sportnuus volg Nuus24Sport op Twitter.
 
– Sport24