'Tydlose' Kallis geprys

2012-09-21 18:19

Hambantota – Die Proteas se t20-kaptein, AB de Villiers, was verwonderd oor die tydlose Jacques Kallis en het gesê hy is jaloers op sy 36-jarige spanmaat.

Kallis het loopbaanbeste boulsyfers van vier vir 15 teen Zimbabwe geneem toe die Proteas Zimbabwe Donderdag met 10 paaltjies in hul openingswedstryd in die T20-Wêreldbeker in Sri Lanka vermorsel het.

“Jacques is ‘n ongelooflike speler. Ek het nie ‘n idee hoe hy dit steeds regkry nie,” het de Villiers gesê.

“Ek is jaloers op wat hy regkry op sy ouderdom, ek kan nie eens dink hoe ek dit sal doen nie.”

“Hy is ‘n wonderlike speler en ons is dankbaar om hom in die span te hê.”

Kallis het sy toetsbuiging in 1995 gemaak en het al meer as 10 000 lopies aangeteken en 200 paaltjies gevat in beide toets- en eendagkrieket.

Hy is net so suksesvol in die T20-formaat van die spel.

Sri Lanka se kaptein, Mahela Jayawardene, het Kallis beskryf as die beste veelsydige speler van sy generasie.

“Ek dink nie enigiemand sal met my stry as ek sê dat Jacques die beste veelsydige speler van ons generasie is nie. Hy verbeter steeds elke dag en dit is omdat hy honger is om goed te doen,” het Jayawardene gesê.

“Dit is ‘n kwaliteit wat elke jong speler moet hê. Jacques is ‘n wonderlike teenstander.”

Vir die jongste sportnuus volg Nuus24Sport op Twitter




 

- Reuters