Tsotsobe uit T20-reeks

2012-12-21 16:01

Johannesburg – Die Proteas se snelbouler, Lonwabo Tsotsobe, is uit die T20-reeks teen Nieu-Seeland nadat hy sy enkel beseer het.

"Lonwabo het gister tydens oefening van 'n pyn in sy enkel gekla nadat hy 10 balle geboul het," het Mohammed Moosajee, die Proteas se spanbestuurder, Vrydag gesê, slegs 'n paar uur voor die eerste wedstryd in Durban.

"Die mediese komitee het gevoel hy moet nie aan die huidige T20-reeks deelneem nie en het aanbeveel dat hy vir twee tot drie weke moet rus."

Krieket Suid-Afrika (KSA) het gesê die keurders sal op 'n latere stadium besluit of 'n plaasvervanger aangewys sal word vir die ander wedstryde.

Vir die jongste sportnuus volg Nuus24Sport op Twitter.

– Sport24.

- SAPA