Transformasie nodig in GKR
2009-07-31 11:50
Johannesburg – Dr. Mtutuzeli Nyoka, president van Krieket Suid-Afrika (KSA), het gevra vir transformasie en ‘n filosofieverandering in die Gautengse Krieketraad (GKR).
Nyoka het Vrydag met joernalsite gepraat oor die geskil tussen KSA en die GKR en gesê GKR se nuwe filosofie moet krieket as prioriteit wees.
“Gauteng is een van die rykste unies. En jaar na jaar vertoon hulle die swakste in al die kompetisies,” het Nyoka gesê.
“Hordes swart en wit spelers verlaat Gauteng omdat krieket nie die proiriteit is nie. Vrae moet gerva word as spelers soos Graeme Smith en Blake Snijman hul tuisprovinsie verlaat om hulle elders te gaan vestig.”
Nyoka het gesê nóg ‘n bekommernis is die skaarsheid van krieketklubs in swart gebiede in Johannesburg.
“Daar was 22 krieketklubs in Lenasia, nou is daar een. ‘n Groot gebied soos Soweto het net twee krieketklubs. Provinsiale spelers word in dié klub geweek en as dié stelsel nie werk nie, dan is ek nie verbaas dat die GKR spelers van ander provinsies moet bring nie.”
Intussen het die mediasieproses tussen KSA en die GKR het Vrydagoggend begin.
Sapa