Thami lei elftal teen Sri Lanka
2011-12-06 12:03
Kaapstad – Die Highveld Lions se Thami Tsolekile is gekies om die Suid-Afrikaanse uitnodigingselftal, wat Sri Lanka vanaf Vrydag af in 'n opwarmwedstryd in Benoni pak, te lei.
"'n Aantal faktore het die keurproses bemoeilik," het Krieket SA se keurder Andrew Hudson gesê.
"Daar is spelers wat besig is om van beserings te herstel en dus nie oorweeg is nie. Hulle sluit in Ryan McLaren, Albie Morkel, Lonwabo Tsotsobe en Marchant de Lange.
Hudson het voorts bevestig Alviro Petersen weens ’n kuier in Namibië nie oorweeg kon word nie.
Suid-Afrika se uitnodigingselftal:
Thami Tsolekile (Highveld Lions, kaptein), Temba Bavuma (Highveld Lions), Farhaan Behardien (Titans), Dean Elgar (Knights), Paul Harris (Titans), Reeza Hendricks (Knights), Pumelela Matshikwe (Highveld Lions), Rilee Rossouw (Knights), Stiaan van Zyl (Cape Cobras), Hardus Viljoen (Titans), David Wiese (Titans)
Afrigter: Vincent Barnes
Vir die jongste sportnuus volg Nuus24Sport op Twitter.
– Sport24